ராஜதந்திர நகர்வுகள், போரியல் நகர்வுகள் என சகலவற்றிலும் முதன்மையாக இருப்பது narrative (கதையாடல்)- [ 21 ம் நூற்றாண்டை செல்வாக்கு செலுத்தும் அமெரிக்க- சீன போட்டி (US-CHINA GREAT POWER COMPETITION) - (பகுதி-9)]
அரசியல் நகர்வுகளில் Narrative என்பது எவ்வளவு முக்கியத்துவமுடையது?
ராஜதந்திர நகர்வுகள், போரியல் நகர்வுகள் என சகலவற்றிலும் முதன்மையாக இருப்பது narrative (கதையாடல்).
இந்த narrative இனை உருவாக்கிய பின்புதான், இலக்கை நோக்கி ராஜதந்திர, போரியல் நகர்வுகள் நடக்கும்.
• narrative என்பது என்ன?
ஒரு கதையாடலை உருவாக்குவது.
பெருந்திரள் மக்களின் உணர்வுகளை ஒரு புள்ளியில் திரட்டி, அதனூடாக அரசியல் இலக்கினை அடைவதற்காக ஒரு கதையை உருவாக்குதல்.
இந்த கதை உண்மையானதாக, நேர்மையானதாக இருக்கவேண்டியதில்லை. பெருந்திரள் மக்கள் நம்பும்படி இருந்தாலே போதும். அந்த பெருந்திரள் மக்களை ஒரு புள்ளியில் குவித்து விடலாம்.
இந்த narrative இனை உருவாக்கும் தரப்பு, தம்மை நல்லவனாகவும், எதிர் தரப்பை தீயவராகவும் கட்டமைக்கும்.
உலகின் சகல அரசியல் நகர்வுகளிலும் இந்த narrative இருக்கிறது.
• இந்த narrative எந்த ஊடகங்களினூடாக கடத்தப்படுகிறது?
Print media - செய்தி தாள்கள் (newspapers), சஞ்சிகைகள் (magazines)
Broadcast Media - தொலைக்காட்சி, வானொலி, திரைப்படங்கள்
Internet Media - Social Media
• இனி இன்றைய உலக அரசியலுக்கு வருகிறேன்.
Cold War இற்கு பிறகு Unipolar World உருவானது. அதில் வல்லரசாக அமெரிக்கா மட்டுமே இருந்து வந்தது.
இன்று இந்த Unipolar World இலிருந்து சிறிது சிறிதாக Multipolar World ஆக மாறிவருகிறது.
அமெரிக்காவிற்கு சகல துறைகளிலும் சவாலை உருவாக்கும் நாடாக சீனா உருவாகிவிட்டது.
இதுபற்றி விரிவாக “21 ம் நூற்றாண்டை செல்வாக்கு செலுத்தும் அமெரிக்க- சீன போட்டி (US-CHINA GREAT POWER COMPETITION)” குறுந்தொடரின் மற்றைய பகுதியில் விளக்கியிருக்கிறேன். வாசித்து பார்க்கவும்.
• சீனாவை எதிர்கொள்ள அமெரிக்கா என்ன செய்கிறது?
சீனாவை கொடுங்கோலனாக உருவகப்படுத்தி narrative இனை உருவாக்குகிறது.
எப்படி இந்த narrative இனை உருவாக்குகிறது?
மேலே நான் கூறிய அதே print media, broadcast media, internet media ஊடாக.
• நடப்பு உலகில் இருந்து சில உதாரணங்களை தருகிறேன்.
United States Agency for Global Media (USAGM) எனும் ஊடக அமைப்பு (media organization) அமெரிக்க அரசின் கீழ் இயங்குவது.
இந்த USAGM அமைப்புதான் Voice of America (VOA), Radio Free Europe/Radio Liberty (RFE/RL), Radio Free Asia (RFA), Middle East Broadcasting Networks (MBN) போன்ற செய்தி ஊடகங்களை இயக்குகிறது.
அரசியல்ரீதியில் கேந்திர முக்கியத்துவம் உள்ள பிராந்தியங்களில் இந்த செய்தி ஊடகங்கள் இயங்குவதை அதன் பெயர்களை வைத்தே அனுமானிக்கலாம்.
இந்த செய்தி ஊடகங்களின் ஊடாக, உலகின் பல பாகங்களில் வாழும் பல கோடி மக்களுக்கும் அமெரிக்க அரசு அதனது narrative இனை கடத்துகிறது.
குறிப்பாக சீனாவிற்கு எதிரான narrative அடிப்படையிலான தகவல் யுத்தத்தை (Information warfare) நடத்த அமெரிக்க அரசு செய்த குயுக்தியான நகர்வினை தருகிறேன்.
இன்று சீனாவிற்கு எதிராக தகவல் யுத்தத்தினை நடத்த, அமெரிக்க அரசு பெருமளவிலான நிதியினை USAGM அமைப்பிற்கு ஒதுக்குகிறது.
USAGM அமைப்பினது உத்தியோகபூர்வ இணையதளம்,அது பெறும் நிதியினை பற்றி பின்வருமாறு கூறுகிறது.
“The President’s budget request for Fiscal Year 2024, sent to Congress on March 13, 2023, includes $944 million for USAGM.”
பில்லியன் டாலர்களை USAGM அமைப்பு வருடாந்த நிதியாக அமெரிக்க அரசிடமிருந்து பெறுகிறது.
இணைப்பு:Budget Submissions
• இந்த நிதியை பெற்று USAGM அமைப்பு என்ன செய்யும்?
சீனாவை ‘வளர்ந்துவரும் தீயசக்தியாக’ உருவகப்படுத்தி ஊடகங்களில் செய்திகளை தருவார்கள்.
இத்தகைய செய்திகளை உருவாக்குவதற்கான ‘பயிற்சிகளை’ உலகின் பல பாகங்களிலும் இருக்கும் ஊடகவியலாளர்கள், அறிவுஜீவிகள், சமூக ஆர்வலர்கள், இத்யாதிகளுக்கு வழங்கும்.
“The USAGM will have new funds “to support independent journalism” to counter “the Chinese Communist Party and other malign actors [for] promoting disinformation, propaganda, and manipulated media markets”.
Foreign journalists will be funded and trained “to help expose and counter false CCP narratives”, specifically about “the negative impact” of the Belt and Road Initiative.” - South China Morning Post (28/4/21)
இப்பொழுது உங்களுக்கு ஒரு கேள்வி எழும்.
• பொய்யாக narrative இனை உருவாக்குவதை எப்படி வெளிப்படையாக செய்ய முடியும்?
அதிலும் குயுக்தியான முறையை அமெரிக்கா வைத்திருக்கிறது.
அமெரிக்கா முந்திக்கொண்டு சீனா மீது பழியை போட்டுவிட்டது.
அதாவது சீனா பல பில்லியன் டாலர்களை செலவழித்து அமெரிக்காவிற்கு எதிராக தவறான தகவல்களை (disinformation) பரப்பி வருவதாகவும்,அதனை அமெரிக்கா எதிர்கொள்ள வேண்டியிருப்பதாகவும் ஒரு narrative இனை கட்டமைத்து விட்டது.
“The Global Engagement Center, a State Department agency that's tasked with combating foreign propaganda and disinformation and that released the 58-page report, warned that Beijing's information campaign could eventually sway how decisions are made around the world and undermine U.S. interests.”
நம்ம ஊர் மொழி வழக்கில் சொன்னால், கொலை செய்ய போகிறவனே ‘என்னை கொல்ல பார்க்கிறான்’ என முந்திக்கொண்டு கூவிவிட்டு, பிறகு கொலை செய்வது போல.
ஆனால் இப்படித்தான் உலக ஒழுங்கில் ராஜதந்திர காய் நகர்த்தப்படும்.
அதன்படி சீனா தனக்கெதிராக disinformation ஐ பரப்பி வருகிறது என பொய்யாக கூவிக்கொண்டு, அமெரிக்கா உலகெங்கும் சீனாவிற்கு எதிராக disinformation களை முழுவீச்சில் பரப்பி வருகிறது. வகை வகையான narrative களை சீனாவிற்கு எதிராக உருவாக்கி வருகிறது.
‘சீனா செய்யும் ஒவ்வொரு நகர்வும் சூழ்ச்சி நிறைந்தது’ என்ற தோற்றத்தை உருவாக்க அமெரிக்கா பல narrative களை உருவாக்குகிறது.
அமெரிக்காவின் சில narrative கள் உங்களுக்கே சிரிப்பை வரவழைத்துவிடும். சில சிரிப்பு உதாரணங்களை கீழே தருகிறேன். அந்த செய்திகளுக்கான இணைப்புகளையும் தருகிறேன்.
அதில் ஒன்று ‘சீனாவிலிருந்து இறக்குமதி செய்யப்படும் வெள்ளை பூண்டுகள் அமெரிக்காவின் தேச பாதுகாப்பிற்கு அச்சுறுத்தலாக இருக்கின்றது’ என்ற narrative.
“Chinese garlic is a national security risk, says US senator” - BBC (8/12/23)
Chinese garlic is a national security risk, says US senator
“சீனாவிலிருந்து இறக்குமதி கார்கோ கிரேன்கள் உளவு பார்க்கும் கருவிகளாக செயல்படுகின்றன.”
“Pentagon Sees Giant Cargo Cranes as Possible Chinese Spying Tools” - Wall Street Journal (05/03/2023)
Pentagon Sees Giant Cargo Cranes as Possible Chinese Spying Tools
இந்த சிரிப்பு narratives களை தொகுத்து படமாக கீழே தந்திருக்கிறேன்.
• நீங்கள் நாளாந்தம் பார்க்கும் சீனாவை பற்றிய எதிர்மறை செய்திகள் அனைத்தும் அமெரிக்கா சீனாவிற்கு எதிராக நடத்தும் disinformation தாக்குதலின் ஒரு பகுதியே. அதாவது அமெரிக்கா நடத்தும் தகவல் யுத்தம் (Information warfare).
அமெரிக்காவின் இந்த Information warfare சீனாவிற்கு எதிராக மட்டும் முடிந்துவிடுவதில்லை. அமெரிக்காவின் புவிசார் நலனுக்கு எதிரான நிலையில் இருக்கும் சகல நாடுகள் மீதும் பிரயோகிக்கப்படுகிறது.
அவற்றில் சில உதாரணங்கள்.
சீனா நலிவுற்ற நாடுகளுக்கு கடனுதவி வழங்கி debt-trap இல் சிக்கவைக்கிறது எனும் narrative.
சீனா ஒரு சர்வாதிகார அரசியல் அமைப்பினை (Authoritarian regime) கொண்ட நாடு எனும் narrative.
ரஷ்ய அதிபர் விளாடிமிர் புடின் கொடுங்கோலன் எனும் narrative.
விளாடிமிர் புடின் ‘ஒரு அகன்ற ரஷ்ய பேரரசை (Russian empire) அமைப்பதற்காகத்தான் உக்ரைன் மீது போர் நடத்துகிறார்’ எனும் narrative.
ஈரான், சிரியா, வட கொரியா நாடுகள் axis of evil எனும் narrative.
இந்த USAGM அமைப்பு அதனது உத்தியோகபூர்வ இணையதளத்தில், அவர்களது ஊடகங்களின் ஊடாக எத்தனை கோடி மக்களை சென்றடைகிறோம், எந்த நாடுகளை மனதில் வைத்து இயங்குகிறோம் என பின்வருமாறு விவரிக்கிறது.
“As one of the largest media organizations in the world—our networks reached a record weekly audience of 410 million people last year, our brands are some of the most recognized and respected in key foreign markets, including Russia, China, and Iran.
Programming produced by USAGM’s networks is delivered via radio, television, internet, social media, and mobile platforms.
Chief among the agency’s concerns are the information manipulation and media suppression tactics emanating from authoritarian governments in China, Russia, Iran, and others, who strive to undermine American values and incite political, economic, and humanitarian crises around the world.
The agency will continue to build on its success telling America’s story as well as providing fact-based information and gaining trust in markets increasingly being targeted by the Chinese and Russian governments’ malign influence, including Sub-Saharan Africa, Latin America, and the broader Pacific.”
• இனி நடப்பு உலகில் இருந்து இன்னொரு உதாரணம்.
நமது தமிழர்களில் படித்த கூமுட்டைகள் அடிக்கடி ‘BBC யே சொல்லிருச்சி சார்’, ‘BBC எல்லாம் நம்ம நாட்டை பத்தி என்ன நினைப்பான் சார்’ என வாய் கிழிய பினாத்துவதை அடிக்கடி காணலாம்.
அந்த BBC ஐ பற்றிய செய்தி இது.
அதாவது 1935 இலிருந்து 1990 வரை, BBC செய்தி நிறுவனத்தில் பணிக்கு அமர்த்தப்பட்ட சகலரும் இரகசியமான முறையில் MI5 உளவு நிறுவனத்தின் அதி உச்ச பரிசீலனைக்கு உட்படுத்தப்பட்ட பின்னரே வேலைக்கு சேர்த்துக்கொள்ளப்பட்டனர்.
இந்த இரகசியமான பரிசீலனை (vetting) நடைமுறையில் இருந்தது வெளி உலகத்திற்கு தெரியாது. பணிக்கு அமர்த்தப்பட்ட ஊழியர்களுக்கும் தங்களை MI5 இரகசியமான முறையில் பரிசீலனைக்கு உட்படுத்தியது பற்றி அறிந்திருக்கவில்லை.
இந்த இரகசிய பரிசீலனை இருப்பது 1990 களில் தான் வெளி உலகத்திற்கு தெரியவந்தது.
“For decades the BBC denied that job applicants were subject to political vetting by MI5. But in fact vetting began in the early days of the BBC and continued until the 1990s. Paul Reynolds, the first journalist to see all the BBC's vetting files, tells the story of the long relationship between the corporation and the Security Service.”
(BBC இணையத்தளத்தில் வெளியான “The vetting files: How the BBC kept out ‘subversives’” எனும் கட்டுரையிலிருந்து. 22/04/2018)
• இந்த இரகசிய பரிசீலனை முறை எப்படி நடைமுறைபடுத்தப்பட்டது?
அந்த BBC கட்டுரையே அதை விளக்குகிறது.
“This is how the system worked.
Vetting was brought into play once a candidate and one or two alternatives labelled "also suitable" had been selected for a job. The alternatives served a useful purpose. If the first choice was barred by vetting, the appointments board moved easily on to the second.
The candidates were told only that "formalities" would be carried out before an appointment was made. This sounded harmless enough; it would allow time to follow up references, perhaps. Candidates did not know that "formalities" meant vetting - and was, in fact, the code word for the whole system.
A memo from 1984 gives a run-down of organisations on the banned list.
On the left, there were the Communist Party of Great Britain, the Socialist Workers Party, the Workers Revolutionary Party and the Militant Tendency. By this stage there were also concerns about movements on the right - the National Front and the British National Party.
A banned applicant did not need to be a member of these organisations - association was enough.”
முழு கட்டுரையின் இணைப்பும் கீழே.
The vetting files: How the BBC kept out ‘subversives’
மாற்று அரசியல் சித்தாந்தம் கொண்டவர்கள், அத்தகைய இயக்கங்கள், கட்சிகள் மீது சாய்வு மனநிலை கொண்டவர்கள் என MI5 இனால் கருதப்பட்டவர்களுக்கு BBC இல் வேலை கிடைக்காது.
“If MI5 found something against a candidate, it made one of three "assessments" in a kind of league table:
Category "A" stated: "The Security Service advises that the candidate should not be employed in a post offering direct opportunity to influence broadcast material for a subversive purpose."
Category "B" was less restrictive. The Security Service "advised" against employment "unless it is decided that other considerations are overriding".
Category "C" stated that the information against a candidate should not "necessarily debar" them but the BBC "may prefer to make other arrangements" if the post offered "exceptional opportunity" for subversive activity.”
(அதே கட்டுரையிலிருந்து. Ibid)
ஊழியர்கள் BBC இல் வேலைக்கு சேர்ந்த பிறகும், MI5 இரகசிய பரிசீலனை முறைக்கு அவர்கள் தப்ப முடியாது.
பதவி உயர்வு, வேறு இடத்திற்கு மாறுதல் (transfer) என மீண்டும் vetting நடக்கும்.
“If staff came under suspicion only after they had been employed by the BBC or applied for transfer to a job that needed vetting, an image resembling a Christmas tree was drawn on their personal file.
This "tree" was an important part of the process. The BBC maintained a "Staff Transfer List" which named staff who needed to be checked if they were to be promoted. A tree added to the file alerted the administration that this was a security case.”
(அதே கட்டுரையிலிருந்து. Ibid)
• இன்னும் சமீபத்திய உதாரணம் ஒன்று தருகிறேன்.
அண்மையில் தென்னாப்பிரிக்கா International Court of Justice (ICJ) இல், இஸ்ரேல் காசாவில் பாலஸ்தீனிய மக்கள் மீது Genocide இனை நடத்துவதாக வழக்கு ஒன்றினை தாக்கல் செய்திருந்தது.
தென்னாப்பிரிக்கா அதனது வாதங்களை ICJ இல் முன்வைத்தபோது, BBC அதனை நேரடி ஒளிபரப்பு செய்யவில்லை.
ஆனால் இஸ்ரேல் அதனது வாதங்களை முன்வைத்தபோது, BBC அந்த நிகழ்வினை நேரடி ஒளிப்பரப்பு செய்தது.
இது தொடர்பாக பொது மக்கள் BBC இற்கு எதிராக petition ஒன்றினை தாக்கல் செய்தார்கள்.
அது தொடர்பான இணைப்பு கீழே.
• அடுத்த கேள்வி ஒன்று இங்கே எழுகிறது.
BBC தரும் செய்திகளில் எவை நம்பகரமானவை?
அதில்தான் சூட்சுமம் இருக்கிறது.
BBC உள்நாடு தொடர்பாக தரும் செய்திகளில் நடுநிலையுடன் இயங்கவேண்டும் என்ற சட்ட கடப்பாடு இருக்கிறது.
காரணம் பிரித்தானியாவில் இருக்கும் சகல தொலைக்காட்சி செய்தி ஊடகங்களையும் நெறிப்படுத்தும் அமைப்பாக Ofcom இருக்கிறது.
The Office of Communications (Ofcom) is the UK's broadcasting, telecommunications and postal regulatory body.
அதனது விதிப்படி நடுநிலையுடன் இயங்க வேண்டும்.
ஆனால் உலக செய்திகளை தரும் BBC World Service இனை Ofcom கட்டுப்படுத்தாது.
BBC World Service is not regulated by Ofcom as the BBC generally is. Instead, the BBC is responsible for editorial independence and setting strategic direction.
அதன்படி BBC World Service பிரிட்டனின், மேற்குலகின் புவிசார் அரசியல் நலனுக்கு ஏற்ப narrative களை உருவாக்கமுடியும்.
பிரிட்டனின் உள்ளூர் செய்திகளை தரும்போது நடுநிலையாகவும், வெளிநாடு செய்திகளை தரும்போது ‘தகிடுதத்தம்’ செய்யக்கூடியதாகவும் தெளிவாக வரையறுத்துத்தான் BBC இயங்குகிறது.
இவ்வளவுதான் விடயம்.
இதனை தெரியாமல் ‘BBC யே சொல்லிருச்சிப்பா’ என பினாத்தும் நமது கூமுட்டை தமிழர்களை ஒரு தடவை நினைத்து பார்த்துக்கொள்ளுங்கள்.
• ஆக நான் மேலே சொன்னதுதான்.
ராஜதந்திர நகர்வுகள், போரியல் நகர்வுகள் என சகலவற்றிலும் முதன்மையாக இருப்பது narrative (கதையாடல்).
இந்த narrative இனை உருவாக்கிய பின்புதான், இலக்கை நோக்கி ராஜதந்திர, போரியல் நகர்வுகள் நடக்கும்.
அந்த narrative இனை உருவாக்குவதில் மேற்குலகம் அசுர பலத்துடன் இருக்கிறது.
சீனா, ரஷ்யா போன்ற Great Powers களே அதனை எதிர்கொள்வதில் திணறுகின்றன.
ரஷ்ய அதிபர் விளாடிமிர் புடின் அமெரிக்க ஊடகவியலாளர் Tucker Carlson இற்கு ( அமெரிக்காவின் அர்னாப் கோஸ்வாமி) சில வாரங்களுக்கு முன்பு தந்த நேர்காணலில் இதனை வெளிப்படையாக கூறினார்.
“In the war of propaganda it is very difficult to defeat the United States because the United States controls all the world’s media and many European media.”
(Interview to Tucker Carlson - இணைப்பு :http://en.kremlin.ru/events/president/news/73411)
• இன்னும் ஒரு விடயத்தை சேர்த்து சொல்லவேண்டியிருக்கிறது.
இந்த narrative சகல மட்டங்களிலும் இருக்கிறது.
செய்தி ஊடகங்களுடன் மட்டும் இது முடிந்துவிடுவதில்லை.
அறிவுஜீவிகளது ஆய்வு கட்டுரைகள், புத்தகங்கள், மாநாடுகள், விவாதங்கள் என நீளும்.
இந்த narrative இனை தாண்டி உண்மையை எப்படி கண்டறிவது?
உலக அரசியலில் ஆழமான புரிதல் இருக்கவேண்டும். அதனது இயங்குவிதியை நீங்கள் புரிந்து கொள்ளவேண்டும்.
அதனது இயங்குவிதியை நீங்கள் ஆழமாக புரிந்துகொண்டால், எந்த அறிவஜீவியினது narrative இனையும் உங்களால் அடையாளம் காணமுடியும்.
இந்த புவிசார் அரசியலின் சதுரங்க பலகையில் நடக்கும் நகர்வுகளை நீங்கள் புரிந்து கொள்ளமுடியும்.
க.ஜெயகாந்த்
Comments
Post a Comment